رسولِ محترم ختم‌النبیّین

رسولِ محترم ختم‌النبیّین
کلیدِ مخزنِ گنجینهٔ دین
فرید‌الدّهر علمِ کُن فکانَ
وحیدالعصر اَسرارِ نهانه
یاقالدان شرع ایله روشن چراغې
ائریدی اهلِ کفرۆڭ باغرې یاغې
قېلوپدور اۏل مهِ بُرجِ فضائل
مقامِ قُربِ أَوْ أَدْنی‌ٰیې منزل
قاشې حقّېنده نازل قَابَ قَوْسَیْن
که اۏلدور غُرّهٔ غرّایِ عیدین
یۆزیدۆر لمعهٔ نورِ الٰهی
خطېدور حُجّتِ ترکِ مناهی
مُعلّی‌ٰدور عُلُوِّ کِبریادان
مُعرّی‌ٰدور قامو کِبر و ریادان
دهانېنا قاچان کیم اۏلسا مِسواک
صدف‌دن گؤسترۆردی گوهرِ پاک
نۏلا یازمادې ایسه خطّې اۏل خوب
که بی‌خط خوب اۏلور غایت‌ده مرغوب
چهار ارکانِ دین و چار گوهر
ابوبکر و عمر عثمان و حیدر
اۏلا آلېنه اصحابېنه هر آن
سلام ایله تحیّاتِ فراوان

rasool e akram khatam ul nabiyeen saww

.