مرے گھر کا جو دروازہ کھلا ہے

مرے گھر کا جو دروازہ کھلا ہے

کرم اُنؐ کا ہے یہ اُنؐ کی عطا ہے



سراپا خیر ہے، نورِ مجسم

مرا خیر الوریٰؐ نور الہدیٰؐ ہے



وہ آیا پُرسکوں مسرور واپس

جو اُنؐ کے در پہ آزردہ گیا ہے



ہوئی نہ آپؐ کی جس کو زیارت

وہ عاشق زار سمجھو مر گیا ہے



وہی ممتاز، یکتا، منفرد ہیں

نہیں کوئی بھی اُنؐ سا دُوسرا ہے



مری سرکارؐ کا وہ دورِ مدنی

مبارک، وہ زمانہ آ رہا ہے



ہے مستقبل کا دور اِسلام ہی کا

ظفرؔ تو بے وجہ گھبرا رہا ہے

mery ghar ka jo darwaza khula hai

.