میرے دِل میں حضورؐ رہتے ہیں

میرے دِل میں حضورؐ رہتے ہیں

کون کہتا ہے دُور رہتے ہیں



اُنؐ کے قدموں میں اُنؐ کے دیوانے

اہلِ فکر و شعور رہتے ہیں



جن کو نظرِ کرم کی بھیک ملے

وہ مجسم سرُور رہتے ہیں



جو درُود و سلام پڑھتے ہیں

اُن کے دِل نور نور رہتے ہیں



اُن کی گلیوں سی وہ کہاں جنت

جس میں حور و قصور رہتے ہیں



پیار سے اہلِ دِل بلائیں تو

آپؐ آ کر ضرور رہتے ہیں



نسبتِ آنحضورؐ سے ہی ظفرؔ

زندہ اہلِ قبور رہتے ہیں

mery dill mein Hazoor rehty hain

.