مری جاں سے قریں میرا خُدا ہے

مری جاں سے قریں میرا خُدا ہے

مرے دل میں جمالِ مصطفیؐ ہے



خُدا کی حمد کا، نعتِ نبیؐ کا

یہی بس ایک میرا مشغلہ ہے



مزیّن آپؐ کے نقشِ قدم سے

ہے یہ عرشِ بریں یا دل مرا ہے



میں اُنؐ کے دلکشا فرمان لکھوں

خُدا جن کی زباں سے بولتا ہے



زیارت خواب میں جب آپؐ کی ہو

لرزتا ہے بدن، دل کانپتا ہے



نظر سوئے حرم، دل سوئے طیبہ

پیاپے کشمکش کا مرحلہ ہے



ظفرؔ! حُبِ خُدا، عشقِ نبیؐ کا

بڑا مربوط باہم سلسلہ ہے

meri jaan sy qreen mera Khuda hai

.