میں نے مدحت کا ارادہ جو سرِ دل باندھا

میں نے مدحت کا ارادہ جو سرِ دل باندھا​
نطق نے لیلیء اظہار کا محمل باندھا​
​
شوقِ دیدار ، غمِ زیست ، خیالِ سرکار​
پاس جو زادِ سفر تھا پئے منزل باندھا​
​
لے گئی گنبدِ خضرا پہ تخیل کی اڑان​
رشتہء ذہن سے جب سلسلہء دل باندھا​
​
شدتِ تشنگیِ دید بیاں ہو نہ سکی ​
” گرچہ دل کھول کے دریا کو بھی ساحل باندھا”​
​
بخش دیں آپ نے کونین کی خوشیاں مجھ کو​
چشمِ گریاں نے وہ مضمونِ غمِ دل باندھا​
​
اللہ اللہ جمالِ غمِ ہجرِ سرکار ​
داغِ حسرت کو حریفِ مہِ کامل باندھا​
​
شہرِ دل میں ، میرے ممدوح کا مسکن ہے ایاز​
میں نے اس شہر کو طیبہ کا مماثل باندھا​

meiny khidmat ka irada jo sar e dil bandha

.