میں نے جب نعت کے اشعار سے باتیں کی ہیں

میں نے جب نعت کے اشعار سے باتیں کی ہیں
یوں لگا احمدِ مختار سے باتیں کی ہیں

اے مرے پیارے تخیل ترے صدقے جاؤں
تو نے اکثر مرے سرکار سے باتیں کی ہیں

اس کی تعریف میں الفاط بھی کم پڑ جائیں
جس کے اک سجدے نے تلوار سے باتیں کی ہیں

عشقِ سرکار میں یہ حال ہوا ہے اکثر
میں نے گھر کے در و دیوار سے باتیں کی ہیں

کیوں نہ وہ رحمتِ عالم ہوں زمانے کہ لیے
جس نے کردار میں سنسار سے باتیں کی ہیں​

meine jab naat ke ashear se baaten ki hain

.