جو آپؐ کی رحمت کے طلب گار بھی ہوں گے

جو آپؐ کی رحمت کے طلب گار بھی ہوں گے

عشاق وہی طالبِ دیدار بھی ہوں گے



سرکارؐ کی اُمت کے نگہبان و محافظ

خود آپ خدا، احمدِ مختارؐ بھی ہوں گے



زندہ ہیں جو اس آس پہ کب آپؐ بلائیں

مجھ جیسے کئی بے بس و لاچار بھی ہوں گے



محشر کا نہیں خوف کہ واں شافعِ محشر

سرکارؐ مرے مُونس و غم خوار بھی ہوں گے



سرکارؐ مرے مجھ سے فقیروں کے مددگار

محروموں، حقیروں کے طرف دار بھی ہوں گے



عشاق بہت آپؐ کے با جُبہ و دستار

کچھ مجھ سے سیاہ رُو و خطا کار بھی ہوں گے



جو شاہ و گدا آئے درِ فیض رساں تک

کچھ ان میں ظفرؔ صاحبِ اسرار بھی ہوں گے

jo Aap saww ki rehmat ky talbagaar bhi hon gy

.