حشر تک شافعِ محشر کا ثناخواں ہونا​

حشر تک شافعِ محشر کا ثناخواں ہونا​
بخشوائے گا مجھے میرا سخنداں ہونا​
​
جلوہ گر ہے مرے خوابوں میں مدینے کی فضا​
لے اڑا مجھ کو خیالوں کا پرافشاں ہونا​
​
رشتہء عشقِ نبیؐ کارِ رفو کرتا ہے ​
راس آیا مرے دامن کو گریباں ہونا​
​
دامنِ ابرِ کرم نے مرے آنسو پونچھے​
تارِ گریہ کو مبارک ہو رگِ جاں ہونا​
​
آپ کے دَم سے دعاؤں کو ملا رنگِ قبول​
آپ کے غم نے سکھایا مجھے خنداں ہونا​
​
آپ کے نقشِ کفِ پا کی تجلی سے لیا​
ماہ و خورشید و کواکب نے درخشاں ہونا​
​
کاش میں بھی اُنہیں گلیوں میں بکھر جاؤں ایاز​
عینِ تسکیں ہے جہاں دل کا پریشاں ہونا​
​

hashar tak shaafa e mehshar ka sanaa khwan hona

.