Hadith in Arabic

۔ (۱۰۹۱۸)۔ عَنْ جَابِرِ بْنِ عَبْدِ اللّٰہِ قَالَ: کُنْتُ مَعَ رَسُولِ اللّٰہِ ‌صلی ‌اللہ ‌علیہ ‌وآلہ ‌وسلم عَامَ الْجِعْرَانَۃِ، وَہُوَ یَقْسِمُ فِضَّۃً فِی ثَوْبِ بِلَالٍ لِلنَّاسِ، فَقَالَ رَجُلٌ: یَا رَسُولَ اللّٰہِ اعْدِلْ، فَقَالَ: ((وَیْلَکَ وَمَنْ یَعْدِلُ إِذَا لَمْ أَعْدِلْ؟ لَقَدْ خِبْتُ إِنْ لَمْ أَکُنْ أَعْدِلُ۔)) فَقَالَ عُمَرُ: یَا رَسُولَ اللّٰہِ! دَعْنِی أَقْتُلْ ہٰذَا الْمُنَافِقَ، فَقَالَ: ((مَعَاذَ اللّٰہِ أَنْ یَتَحَدَّثَ النَّاسُ أَنِّی أَقْتُلُ أَصْحَابِی، إِنَّ ہٰذَا وَأَصْحَابَہُ یَقْرَئُ وْنَ الْقُرْآنَ، لَا یُجَاوِزُ حَنَاجِرَہُمْ، أَوْ تَرَاقِیَہُمْ،یَمْرُقُونَ مِنَ الدِّینِ مُرُوقَ السَّہْمِ مِنَ الرَّمِیَّۃِ۔)) (مسند احمد: ۱۴۸۶۴)

Hadith in Urdu

جابر بن عبداللہ ‌رضی ‌اللہ ‌عنہ سے مروی ہے کہ میں جعرانہ والے سال رسول اللہ ‌صلی ‌اللہ ‌علیہ ‌وآلہ ‌وسلم کی معیت میں آیا۔ آپ ‌صلی ‌اللہ ‌علیہ ‌وآلہ ‌وسلم بلال ‌رضی ‌اللہ ‌عنہ کے کپڑے میں چاندی ڈال کر لوگوں میں تقسیم فرما رہے تھے، تو ایک آدمی نے کہا: اللہ کے رسول! انصاف کرو، آپ ‌صلی ‌اللہ ‌علیہ ‌وآلہ ‌وسلم نے فرمایا: تجھ پر بڑا افسوس ہے، اگر میں نے انصاف نہیں کیا تو اور کون کرے گا؟ اگر میں انصاف نہیں کیا تو پھر میں یقینا سر ا سر خسارے میں ہوں۔ اس آدمی کی بات سن کر عمر ‌رضی ‌اللہ ‌عنہ نے عرض کیا، اللہ کے رسول! مجھے اجازت دیجئے میں اس منافق کا کام تمام کر دوں۔ آپ ‌صلی ‌اللہ ‌علیہ ‌وآلہ ‌وسلم نے فرمایا: اس بات سے اللہ کی پناہ، لوگ باتیں بنائیں گے کہ میں اپنے ساتھیوں کو قتل کرتا ہوں۔ بے شک یہ اور اس کے دوسرے ساتھی (بظاہر) قرآن تو پڑھتے ہیں۔ لیکن وہ ان کے حلق سے یا سینے سے نیچے نہیں اترتا۔ یہ لوگ دین سے اس طرح نکل جاتے ہیں جیسے تیر شکار میں سے پار گزر جاتا ہے۔

Hadith in English

.